Tirumala Sarvadarshanam Tokens System | Good News For Devotes | Tirumala Updates


హిందూ టెంపుల్స్ గైడ్ కి వచ్చే మెసేజ్ లలో ఎక్కువ తిరుమల గురించే ఉంటాయి . మేము రూమ్ బుక్ చేసుకోలేదు , దర్శనం టికెట్స్ కూడా లేవు . దర్శనానికీ ఎంత సమయం పడుతుంది. ఇలాంటి ప్రశ్నలు , నిజమే ఆన్లైన్ లో రూమ్స్ 120 రోజులు ముందునుంచే తిరుమల దేవస్థానం వారు ఉంచిన చాలామంది భక్తులు అప్పటికప్పుడే బయలుదేరడం వల్ల వారికి రూమ్స్ , టికెట్స్ అందుబాటులో ఉండవు. ఇక సేవ టికెట్స్ సంగతి సరేసరి .

తిరుమల లో ప్రయోగాత్మకంగా ప్రవేశపెట్టిన టోకెన్ సిస్టమ్ మంచి ఫలితాన్ని ఇస్తుంది. నేను 15వ తేదీ ఫిబ్రవరి 2019 నాడు తిరుమల దర్శనానికి వెళ్ళాను. మనం తిరుమల ఎప్పుడు వెళ్లిన గంటల తరబడి లైన్ లో నిలబడటం , లైన్ లో తోపులాటలు గురించి మనకి తెలిసినదే .  వీటికి స్వస్తి పలుకుతూ టీటీడీ వారు టోకెన్ ల విధానం ప్రవేశ పెట్టారు . టోకెన్ విధానం వల్ల ఇప్పుడు లైన్ లలో గంటల తరబడి నిలబడాల్సిన పనిలేదు. 

ఇప్పుడు తిరుమలలో ఏ విధంగా ఉందంటే : 
నేను ఫిబ్రవరి 15వ తేదీన ఉదయం 8 గంటలకు దర్శనానికి CRO ఆఫీస్ దగ్గర టోకెన్ తీసుకున్నాను . ఆ టోకెన్ లో మధ్యాహ్నం 1 గంటకు దర్శనానికి రిపోర్ట్ చేయాలనీ ఉంది. నేను మిగిలిన సమయం లో స్వామి వారి పుష్కరిణి లో స్నానం చేసి , వరాహ స్వామి ని దర్శనం చేసుకున్నాను. మైక్ లో మీకు కేటాయించిన సమయం లో మాత్రమే లైన్ లో నిలబడాలి అని వినిపిస్తున్న . 12 గంటలకే రూమ్ లో నుంచి బయలు దేరి ఉచిత శ్రీవారి బస్సు ఎక్కి లైన్ లోకి చేరుకున్నాను . నాకంటే తొందరతో 2 గంటలకు రమ్మంటే 12 గంటలకే వచ్చినవాళ్లు అక్కడ ఉన్నారు. వారిని లైన్ లోకి వెళ్లనివ్వలేదు అక్కడ సిబ్బంది. ఒక గంట ముందు మాత్రమే అనుమతి ఇస్తున్నారు . 

ముందుగానే లడ్డు టోకెన్ : 
టీటీడీ వారు తీసుకున్న మరో మంచి నిర్ణయం ఇది , ఇంతక ముందు కంపార్ట్ మెంట్ లలో కూర్చున్నప్పుడు ఇచ్చేవారు , అంతక ముందు కంపార్ట్ మెంట్ ల నుంచి దర్శనానికి వెళ్తున్న సమయం లో లడ్డు ఇచ్చేవారు. ఆ సమయం లో చాల తోపులాట జరిగేది. ఇప్పుడు ఆ ఇబ్బంది లేకుండా ముందుగానే లడ్డు టోకెన్ ఇస్తున్నారు .  2 లడ్డులు 20/- లకు మరో 2 లడ్డు లు 50 లకు మొత్తం 4 లడ్డులు 70 రూపాయలకు ఇస్తున్నారు . 

నేరుగా కంపార్ట్మెంట్ ల లోకే : 
లైన్ లో వెళ్లినప్పటికీ నడుచుకుంటూ వెళ్లిపోవడం తప్ప ఇంతకముందు లా గంటల తరబడిలేకుండా వేగంగా వెళ్లిపోవడమే, మధ్యలో టోకెన్ చెకింగ్ , లడ్డు టోకెన్ తీస్కుని వెళ్లి కంపార్ట్ మెంట్ లలో కూర్చువడమే . 

దర్శనానికి ఎంత సమయం : 
కంపార్ట్మెంట్ లో 3 నుంచి 5 గంటలు ఉండాల్సి వస్తుంది . కంపార్ట్ మెంట్ లో మధ్యాహ్నం 12 -1 మధ్యలో భోజనం , 4 గంటలకు పాలు ఇస్తున్నారు. 

వెండివాకలి దగ్గర : 
అసలైన ఇబ్బంది ఇంతకూ ముందు ఇక్కడే ఉండేది. గుడిలోకి వచ్చేసాం అనే ఆనందం కంటే తోపులాట లో చిన్నపిల్లలు ఇక్కడే నలిగిపోయేవారు . ధ్వజస్తంభం దాటినా తరువాత లోపలి అడుగుపెట్టగానే వరదరాజ స్వామి ఆలయం వెనకాల సందులోంచి కొంతమందిని ఆలయం ముందుకు కొంతమందిని ఊపిరాడకుండా నింపేసి పదండి పదండి అంటూ వెండివాకిలిలోకి వదిలేవారు . ఇప్పుడు అల కాకుండా ముందు ద్వారాలు తియ్యడం వల్ల తోపులాట బాగా తగ్గింది .
రూమ్స్ కి కూడా టోకెన్ : 
ఆన్లైన్ లో రూమ్స్ బుక్ చేసుకోలేని వారికి అప్పటికప్పుడు ఖాళి అయినా రూమ్స్  ని మనకు ఇస్తారు . ఇక్కడ కూడా టోకెన్ పెట్టారు. చాలామందికి తెలియక ఫ్యామిలీ మొత్తం లైన్ లో నిలబడుతున్నారు . ఒక రూమ్ కి ఒక్కరు చాలు . మీకు రెండు రూమ్స్ అవసరం ఐతే ఇద్దరు నిలబడండి . ఆధార్ కార్డు తప్పనిసరి. ముందుగా మనకు టోకెన్ ఇస్తారు అది తిస్కుకుని బయటకు వచ్చేసాక . అక్కడే స్క్రీన్ పైన ప్రస్తుతం ఏ నెంబర్ వారికి రూమ్ ఇస్తున్నారో చూపిస్తుంది . సాధారణంగా టోకెన్ తీసుకున్న తరువాత 1 -2 గంటల్లో రూమ్ ఇస్తారు . 50/- , 100/-,150/-,300/- ధరల్లో రూమ్స్ ఉంటాయి . 

దర్శనం : 
పేపర్ లో చదివాను స్వామి వారికి ఎదురుగా ఉండే దీపాల వత్తులు కొంచెం పెంచి కాంతి ఎక్కువగా ఉండేలా చేసారని . బహుశా ఆ కారణమే అనుకుంట ఇప్పుడు స్వామి వారు చాల బాగా దర్శనం ఇస్తున్నారు .

చివరిగా : ముందుగా టోకెన్ తీస్కోండి , ఆ తరువాత తలనీలాలు ( గుండు ) ఇవ్వడానికి వెళ్ళండి . రూమ్ బుక్ చేస్కునే సమయం లో ఒక్కరుంటే సరిపోతుంది . ఒక్కరికి రూమ్ ఇవ్వరు .


Comments