జనవరి 13 నుంచి 22వ తేది వరకు వైకుంఠ ద్వారా దర్శనం - VAIKUNTA EEKADASI DARSHNAM WILL BE HELD FROM 13 JAN 2022 TO 22 JAN 2002

తిరుమల శ్రీవారి భక్తులకు శుభవార్త.. వైకుంఠ ఏకాదశి సందర్భంగా వచ్చే ఏడాది జనవరి 13 నుంచి 22వ తేది వరకు వైకుంఠ ద్వారా దర్శనం కల్పించనున్నారు. ప్రతి ఏటా వైకుంఠ ఏకాదశి రోజు తిరుమల శ్రీవారిని ఉత్తర ద్వారం గుండా దర్శించుకోడానికి లక్షలాదిగా భక్తులు తరలివస్తారు. ఈ రోజున ఉత్తర ద్వారంలో శ్రీమన్నారాయణుని దర్శించుకోవాలని భక్తులు ఆసక్తి చూపిస్తారు. ఏకాదశి, ద్వాదశి ఈ రెండు రోజులే వైకుంఠ ద్వారం తెరిచి ఉండటం వల్ల ఎక్కువ మందికి ఉత్తర ద్వార దర్శనం లభించడంలేదు. అందుకే టీడీడీ వైకుంఠద్వారం పది రోజుల పాటు తెరిచి ఉంచనుంది.

దక్షిణాయనం ప్రారంభం ఆషాడ శుద్ధ ఏకాదశి నాడు పాల కడలిలో యోగనిద్రకు ఉపక్రమించిన నారాయణుడు కార్తీక శుద్ధ ఏకాదశి రోజు మేల్కొంటారు. ఇలా మేల్కొన్న స్వామిని దర్శించుకోవడానికి పుష్యమాస శుక్లపక్ష ఏకాదశి నాడు ముక్కోటి దేవతలూ వైకుంఠానికి చేరుకుంటారు. అందుకే దీనిని ముక్కోటి ఏకాదశి అని పిలుస్తారు. దక్షిణాయణంలో చనిపోయిన పుణ్యాత్ములకు ఈ రోజునే స్వర్గంలోకి ప్రవేశించే అవకాశం కల్పిస్తారు కాబట్టి స్వర్గద్వార ఏకాదశి అని అంటారు.

మరోవైపు టీటీడీ కీలక ప్రకటన చేసింది. జనవరి 11వ నుంచి 14 వరకు వ‌స‌తి గ‌దుల అడ్వాన్స్ రిజ‌ర్వేష‌న్‌ను రద్దు చేస్తున్నట్లు తెలిపింది. ఆ నాలుగు రోజుల్లో శ్రీవారి దర్శనానికి వచ్చే భక్తులు కరెంట్ బుకింగ్ ద్వారా గదులు బుక్ చేసుకోవాలని సూచించారు. అలాగే దాతలకు గదుల కేటాయింపు ప్రివిలేజ్‌ ఉండదని చెప్పారు. వచ్చే ఏడాది జనవరి 13న వైకుంఠ ఏకాదశి, 14న వైకుంఠ ద్వాదశి వేడుకలు జరుగుతాయని టీటీడీ అధికారులు తెలిపారు. అందుకే 4 రోజుల పాటు వసతి గదుల కోసం ముందస్తు రిజర్వేషన్‌ను రద్దు చేస్తున్నట్లు చెప్పారు.

జనవరి 11 నుంచి 14 వరకు శ్రీవారి దర్శనానికి వచ్చే ప్రముఖులకు వెంకట కళానిలయం, రామరాజ నిలయం, సీతా నిలయం, సన్నిధానం, గోవింద సాయి విశ్రాంతి గృహాల్లో వసతి ఏర్పాటు చేస్తున్నామన్నారు. అలాట్‌మెంట్ కౌంటర్లు ఏర్పాటు చేసి గదులు కేటాయిస్తామని.. వీఐపీలకు రెండు గదులు కేటాయిస్తామని తెలిపారు. ఆయా రోజుల్లో సామాన్య భక్తులకు గదులు అందుబాటులో ఉండేవిధంగా సీఆర్‌వో జనరల్‌ కౌంటర్‌ ద్వారా గదులు మంజూరు చేస్తామని టీటీడీ అధికారులు తెలిపారు. MBS-34, కౌస్తుభం విశ్రాంతి భవనం, TBC కౌంటర్‌, ARP కౌంటర్లలో 2022 జనవరి 11వ అర్ధరాత్రి 12 గంటల నుంచి 14 అర్ధరాత్రి 12 గంటల వరకు గదుల కేటాయింపు ఉండదని చెప్పారు.

7 doors of tirumala, ttd online, srivari temple tirumala, vaikunta dwara darshan tirumala 2021, vaikunta dwaram images, vaikunta dwaram tirumala, vaikunta ekadasi 2022 in tirumala, ttd ekadasi 2021 dates, vaikunta ekadasi tirumala tickets