Drop Down Menus

శ్రీ గణేశ కవచం స్తోత్రం | Sri Ganesha Kavacham Stotram | Hindu Temples Guide

శ్రీ గణేశ కవచం స్తోత్రం :

ఏషోతి చపలో దైత్యాన్ బాల్యేపి నాశయత్యహో |
అగ్రే కిం కర్మ కర్తేతి న జానే మునిసత్తమ || 1 ||

దైత్యా నానావిధా దుష్టాస్సాధు దేవద్రుమః ఖలాః |
అతోస్య కంఠే కించిత్త్యం రక్షాం సంబద్ధుమర్హసి || 2 ||

ధ్యాయేత్ సింహగతం వినాయకమముం దిగ్బాహు మాద్యే యుగే
త్రేతాయాం తు మయూర వాహనమముం షడ్బాహుకం సిద్ధిదమ్ | ఈ
ద్వాపరేతు గజాననం యుగభుజం రక్తాంగరాగం విభుమ్ తుర్యే
తు ద్విభుజం సితాంగరుచిరం సర్వార్థదం సర్వదా || 3 ||

వినాయక శ్శిఖాంపాతు పరమాత్మా పరాత్పరః |
అతిసుందర కాయస్తు మస్తకం సుమహోత్కటః || 4 ||

లలాటం కశ్యపః పాతు భ్రూయుగం తు మహోదరః |
నయనే బాలచంద్రస్తు గజాస్యస్త్యోష్ఠ పల్లవౌ || 5 ||

జిహ్వాం పాతు గజక్రీడశ్చుబుకం గిరిజాసుతః |
వాచం వినాయకః పాతు దంతాన్‌ రక్షతు దుర్ముఖః || 6 ||

శ్రవణౌ పాశపాణిస్తు నాసికాం చింతితార్థదః |
గణేశస్తు ముఖం పాతు కంఠం పాతు గణాధిపః || 7 ||

స్కంధౌ పాతు గజస్కంధః స్తనే విఘ్నవినాశనః |
హృదయం గణనాథస్తు హేరంబో జఠరం మహాన్ || 8 ||

ధరాధరః పాతు పార్శ్వౌ పృష్ఠం విఘ్నహరశ్శుభః |
లింగం గుహ్యం సదా పాతు వక్రతుండో మహాబలః || 9 ||

గజక్రీడో జాను జంఘో ఊరూ మంగళకీర్తిమాన్ |
ఏకదంతో మహాబుద్ధిః పాదౌ గుల్ఫౌ సదావతు || 10 ||

క్షిప్ర ప్రసాదనో బాహు పాణీ ఆశాప్రపూరకః |
అంగుళీశ్చ నఖాన్ పాతు పద్మహస్తో రినాశనః || 11 ||

సర్వాంగాని మయూరేశో విశ్వవ్యాపీ సదావతు |
అనుక్తమపి యత్ స్థానం ధూమకేతుః సదావతు || 12 ||

ఆమోదస్త్వగ్రతః పాతు ప్రమోదః పృష్ఠతోవతు |
ప్రాచ్యాం రక్షతు బుద్ధీశ ఆగ్నేయ్యాం సిద్ధిదాయకః || 13 ||

దక్షిణస్యాముమాపుత్రో నైఋత్యాం తు గణేశ్వరః |
ప్రతీచ్యాం విఘ్నహర్తా వ్యాద్వాయవ్యాం గజకర్ణకః || 14 ||

కౌబేర్యాం నిధిపః పాయాదీశాన్యావిశనందనః |
దివావ్యాదేకదంత స్తు రాత్రౌ సంధ్యాసు యఃవిఘ్నహృత్ || 15 ||

రాక్షసాసుర బేతాళ గ్రహ భూత పిశాచతః |
పాశాంకుశధరః పాతు రజస్సత్త్వతమస్స్మృతీః || 16 ||

ఙ్ఞానం ధర్మం చ లక్ష్మీ చ లజ్జాం కీర్తిం తథా కులమ్ | ఈ
వపుర్ధనం చ ధాన్యం చ గృహం దారాస్సుతాన్సఖీన్ || 17 ||

సర్వాయుధ ధరః పౌత్రాన్ మయూరేశో వతాత్ సదా |
కపిలో జానుకం పాతు గజాశ్వాన్ వికటోవతు || 18 ||

భూర్జపత్రే లిఖిత్వేదం యః కంఠే ధారయేత్ సుధీః |
న భయం జాయతే తస్య యక్ష రక్షః పిశాచతః || 19 ||

త్రిసంధ్యం జపతే యస్తు వజ్రసార తనుర్భవేత్ |
యాత్రాకాలే పఠేద్యస్తు నిర్విఘ్నేన ఫలం లభేత్ || 20 ||

యుద్ధకాలే పఠేద్యస్తు విజయం చాప్నుయాద్ధ్రువమ్ |
మారణోచ్చాటనాకర్ష స్తంభ మోహన కర్మణి || 21 ||

సప్తవారం జపేదేతద్దనానామేకవింశతిః |
తత్తత్ఫలమవాప్నోతి సాధకో నాత్ర సంశయః || 22 ||

ఏకవింశతివారం చ పఠేత్తావద్దినాని యః |
కారాగృహగతం సద్యో రాఙ్ఞావధ్యం చ మోచయోత్ || 23 ||

రాజదర్శన వేళాయాం పఠేదేతత్ త్రివారతః |
స రాజానం వశం నీత్వా ప్రకృతీశ్చ సభాం జయేత్ || 24 ||

ఇదం గణేశకవచం కశ్యపేన సవిరితమ్ |
ముద్గలాయ చ తే నాథ మాండవ్యాయ మహర్షయే || 25 ||

మహ్యం స ప్రాహ కృపయా కవచం సర్వ సిద్ధిదమ్ |
న దేయం భక్తిహీనాయ దేయం శ్రద్ధావతే శుభమ్ || 26 ||

అనేనాస్య కృతా రక్షా న బాధాస్య భవేత్ వ్యాచిత్ |
రాక్షసాసుర బేతాళ దైత్య దానవ సంభవాః || 27 ||

|| ఇతి శ్రీ గణేశపురాణే శ్రీ గణేశ కవచం సంపూర్ణమ్ ||

మరిన్ని స్తోత్రాలు కోసం ఇక్కడ క్లిక్ చేయండి


Keywords : Sri Ganesha Sampurana Kavacham Stotram , Telugu Stotras, Stotras In Telugu Lyrics, Hindu Temples Guide
ఇవి కూడా చూడండి
తిరుమల సమాచారం
ప్రసిద్ద ఆలయాలు
టూర్ ప్యాకేజీలు 
ఫోన్ నెంబర్లు
స్తోత్రాలు
పంచాంగం
పిల్లల పేర్లు
ఉచిత సంగీత క్లాసులు
రాశి ఫలాలు
పెళ్లి ముహుర్తాలు

Comments

FOLLOW US ON