శ్రీ గణపతి అథర్వ శిర్ష స్తోత్రం :
గణపతి అథర్వ శీర్షం (గణపత్యథర్వషీర్షోపనిషత్)|| గణపత్యథర్వశీర్షోపనిషత్ (శ్రీ గణేషాథర్వషీర్షమ్) ||
ఓం భద్రం కర్ణే'భిః శృణుయామ' దేవాః | భద్రం ప'శ్యేమాక్షభిర్యజ'త్రాః | స్థిరైరంగై''స్తుష్ఠువాగ్^ం స'స్తనూభిః' | వ్యశే'మ దేవహి'తం యదాయుః' | స్వస్తి న ఇంద్రో' వృద్ధశ్ర'వాః | స్వస్తి నః' పూషా విశ్వవే'దాః | స్వస్తి నస్తార్క్ష్యో అరి'ష్టనేమిః | స్వస్తి నో బృహస్పతి'ర్దధాతు ||
ఓం శాంతిః శాంతిః శాంతిః' ||
ఓం నమ'స్తే గణప'తయే | త్వమేవ ప్రత్యక్షం తత్త్వ'మసి | త్వమేవ కేవలం కర్తా'ఽసి | త్వమేవ కేవలం ధర్తా'ఽసి | త్వమేవ కేవలం హర్తా'ఽసి | త్వమేవ సర్వం ఖల్విదం' బ్రహ్మాసి | త్వం సాక్షాదాత్మా'ఽసి నిత్యమ్ || 1 ||
ఋ'తం వచ్మి | స'త్యం వచ్మి || 2 ||
అవ త్వం మామ్ | అవ' వక్తారమ్'' | అవ' శ్రోతారమ్'' | అవ' దాతారమ్'' | అవ' ధాతారమ్'' | అవానూచానమ'వ శిష్యమ్ | అవ' పశ్చాత్తా''త్ | అవ' పురస్తా''త్ | అవోత్తరాత్తా''త్ | అవ' దక్షిణాత్తా''త్ | అవ' చోర్ధ్వాత్తా''త్ | అవాధరాత్తా''త్ | సర్వతో మాం పాహి పాహి' సమంతాత్ || 3 ||
త్వం వాఙ్మయ'స్త్వం చిన్మయః | త్వమానందమయ'స్త్వం బ్రహ్మమయః | త్వం సచ్చిదానందాఽద్వి'తీయోఽసి | త్వం ప్రత్యక్షం బ్రహ్మా'సి | త్వం జ్ఞానమయో విజ్ఞాన'మయోఽసి || 4 ||
సర్వం జగదిదం త్వ'త్తో జాయతే | సర్వం జగదిదం త్వ'త్తస్తిష్ఠతి | సర్వం జగదిదం త్వయి లయ'మేష్యతి | సర్వం జగదిదం త్వయి' ప్రత్యేతి | త్వం భూమిరాపోఽనలోఽని'లో నభః | త్వం చత్వారి వా''క్పదాని || 5 ||
త్వం గుణత్ర'యాతీతః | త్వం అవస్థాత్ర'యాతీతః | త్వం దేహత్ర'యాతీతః | త్వం కాలత్ర'యాతీతః | త్వం మూలాధారస్థితో'ఽసి నిత్యమ్ | త్వం శక్తిత్ర'యాత్మకః | త్వాం యోగినో ధ్యాయ'ంతి నిత్యమ్ | త్వం బ్రహ్మా త్వం విష్ణుస్త్వం రుద్రస్త్వమింద్రస్త్వమగ్నిస్త్వం వాయుస్త్వం సూర్యస్త్వం చంద్రమాస్త్వం బ్రహ్మ భూర్భువః స్వరోమ్ || 6 ||
గణాదిం'' పూర్వ'ముచ్చార్య వర్ణాదీం'' స్తదనంతరమ్ | అనుస్వారః ప'రతరః | అర్ధే''ందులసితమ్ | తారే'ణ ఋద్ధమ్ | ఎతత్తవ మను'స్వరూపమ్ | గకారః పూ''ర్వరూపమ్ | అకారో మధ్య'మరూపమ్ | అనుస్వారశ్చా''ంత్యరూపమ్ | బిందురుత్త'రరూపమ్ | నాదః' సంధానమ్ | సగంహి'తా సంధిః | సైషా గణే'శవిద్యా | గణ'క ఋషిః | నిచృద్గాయ'త్రీచ్ఛందః | శ్రీ మహాగణపతి'ర్దేవతా | ఓం గం గణప'తయే నమః || 7 ||
ఏకదంతాయ' విద్మహే' వక్రతుండాయ' ధీమహి |
తన్నో' దంతిః ప్రచోదయా''త్ || 8 ||
ఏకదన్తం చ'తుర్హస్తం పాశమం'కుశధారి'ణమ్ | రదం' చ వర'దం హస్తైర్బిభ్రాణం' మూషకధ్వ'జమ్ | రక్తం' లంబోద'రం శూర్పకర్ణకం' రక్తవాస'సమ్ | రక్త'గంధాను'లిప్తాంగం రక్తపు'ష్పైః సుపూజి'తమ్ | భక్తా'నుకంపి'నం దేవం జగత్కా'రణమచ్యు'తమ్ | ఆవి'ర్భూతం చ' సృష్ట్యాదౌ ప్రకృతే''ః పురుషాత్ప'రమ్ | ఏవం' ధ్యాయతి' యో నిత్యం స యోగీ' యోగినాం వ'రః || 9 ||
నమో వ్రాతపతయే నమో గణపతయే నమః ప్రమథపతయే నమస్తేఽస్తు లంబోదరాయైకదంతాయ విఘ్నవినాశినే శివసుతాయ శ్రీవరదమూర్తయే
నమః || 10 ||
ఏతదథర్వశీర్షం యోఽధీతే | స బ్రహ్మభూయా'య కల్పతే | స సర్వవిఘ్నై''ర్న బాధ్యతే | స సర్వతః సుఖ'మేధతే | స పంచమహాపాపా''త్ ప్రముచ్యతే | సాయమ'ధీయానో దివసకృతం పాపం' నాశయతి | ప్రాతర'ధీయానో రాత్రికృతం పాపం' నాశయతి | సాయం ప్రాతః ప్ర'యుంజానో పాపోఽపా'పో భవతి | ధర్మార్థకామమోక్షం' చ విందతి | ఇదమథర్వశీర్షమశిష్యాయ' న దేయమ్ | యో యది మో'హాద్ దాస్యతి స పాపీ'యాన్ భవతి | సహస్రావర్తనాద్యం యం కామ'మధీతే | తం తమనే'న సాధయేత్ || 11 ||
అనేన గణపతిమ'భిషించతి | స వా'గ్మీ భవతి | చతుర్థ్యామన'శ్నన్ జపతి స విద్యా'వాన్ భవతి | ఇత్యథర్వ'ణవాక్యమ్ | బ్రహ్మాద్యాచర'ణం విద్యాన్న బిభేతి కదా'చనేతి || 12 ||
యో దూర్వాంకు'రైర్యజతి స వైశ్రవణోప'మో భవతి | యో లా'జైర్యజతి స యశో'వాన్ భవతి | స మేధా'వాన్ భవతి | యో మోదకసహస్రే'ణ యజతి స వాంఛితఫలమ'వాప్నోతి | యః సాజ్య సమి'ద్భిర్యజతి స సర్వం లభతే స స'ర్వం లభతే || 13 ||
అష్టౌ బ్రాహ్మణాన్ సమ్యగ్ గ్రా'హయిత్వా సూర్యవర్చ'స్వీ భవతి | సూర్యగ్రహే మ'హానద్యాం ప్రతిమాసన్నిధౌ వా జప్త్వా సిద్ధమ'ంత్రో భవతి | మహావిఘ్నా''త్ ప్రముచ్యతే | మహాదోషా''త్ ప్రముచ్యతే | మహాపాపా''త్ ప్రముచ్యతే | మహాప్రత్యవాయా''త్ ప్రముచ్యతే | స సర్వ'విద్భవతి స సర్వ'విద్భవతి | య ఏ'వం వేద | ఇత్యు'పనిష'త్ || 14 ||
ఓం భద్రం కర్ణే'భిః శృణుయామ' దేవాః | భద్రం ప'శ్యేమాక్షభిర్యజ'త్రాః | స్థిరైరంగై''స్తుష్ఠువాగ్^ం స'స్తనూభిః' | వ్యశే'మ దేవహి'తం యదాయుః' | స్వస్తి న ఇంద్రో' వృద్ధశ్ర'వాః | స్వస్తి నః' పూషా విశ్వవే'దాః | స్వస్తి నస్తార్క్ష్యో అరి'ష్టనేమిః | స్వస్తి నో బృహస్పతి'ర్దధాతు ||
ఓం శాంతిః శాంతిః శాంతిః' ||
మరిన్ని స్తోత్రాలు కోసం ఇక్కడ క్లిక్ చేయండి
Comments
Post a Comment