శ్రీ యమధర్మరాజు ఆలయం | ధర్మపురి | జగిత్యాల | Sri Yamadharmaraja Temple Information | Dharmapuri | Jagityala | Hindu Temples Guide

శ్రీ యమధర్మరాజు ఆలయం, ధర్మపురి, జగిత్యాల, కరీంనగర్ :

మన ప్రాణాలను హరిస్తాడు అని నమ్మే  యమధర్మరాజుకి కూడా ఎంతో భక్తితో పూజలు చేసే గుడి  ఉంది అంటే నమ్మగలరా ?  అది కూడా  మన తెలుగు రాష్ట్రంలోనే ఉంది. కరీంనగర్ లోని జగిత్యాల దగ్గర ఉన్న ఉగ్ర నరసింహస్వామి ఆలయంలో ఈ యమధర్మ రాజా ఆలయం ఉంది. ఇటువంటి ఆలయాలు చాలా అరుదుగా కనిపిస్తాయి. ఈ ఆలయంలోని యముని దర్శిస్తే మానసిక సమస్యల నుంచి ఊరట లభిస్తుంది అని భక్తుల నమ్మకం. యముని  దర్శించే వారు ముందుగా గోదావరీ నదిలో స్నానం చేసి, యమునికి పూజలు నిర్వహిస్తారు. పదిహేను వందల సంవత్సరాల క్రితం నిర్మించిన ఈ గుడికి కార్తికంలో భక్తుల రద్దీ ఎక్కువగా ఉంటుంది. మార్కండేయుడికి,మహా పతివ్రత  సావిత్రికే  కాదు మనకీ వరాలు ఇవ్వటానికి కొలువుతీరి ఉన్నాడు ధర్మపురిలో ఉన్న  యమ స్వామి.

ఆలయ చరిత్ర : 

ధర్మపురి అనగానే చాలా మంది శ్రీ లక్ష్మీ నరసింహ స్వామి ఆలయం అని తెలుస్తుంది. కానీ ఆ అలయంలోనే ఈ స్వామి కూడా కొలువై ఉన్నాడు. తమ జాతకకంలోని దోషాలు తొలిగించుకోవడానికి జాతకం  బాగాలేని వారు, ఏం చేసిన కలిసి రావట్లేదని, లేదా జాతకం ప్రకారం ప్రమాదాలు జరిగే సమయమని, మానసిక ప్రశాంతత కరువయిందని ఇలా రకరకాల సమస్యలతో బాధపడే వారు  ఈ ఆలయం లోని యముని దర్శిస్తే ఆ సమస్యల నుంచి ఊరట లభిస్తుంది అని భక్తుల నమ్మకం. ఇక్కడ మండపంలో గల గండ దీపంలో నూనె పోసి యముని విగ్రహానికి దణ్ణం పెట్టుకుంటే గండాలన్ని  తొలగిపోతాయి అని కూడా భక్తుల నమ్మకం. ప్రతి  నెల భరణి  నక్షత్రం రోజున పెద్ద సంఖ్యలో భక్తులు హాజరయ్యి పూజలు నిర్వహిస్తారు ఇక్కడ. అంతేకాదు దీపావళికి రెండు రోజుల తరువాత వచ్చే 'యమ ద్వితీయ' రోజున యముడు తన చెల్లి అయిన యమునాదేవి ఇంటికి భోజనానికి వెళ్లి,తిరిగి యమలోకం వెళ్ళే ముందు ఈ రోజు ఎవరైతే తమ తోబుట్టువుల చేతి భోజనం తింటారో వారికి నరక బాధలు ఉండవని వరమిస్తాడని ప్రతీతి. ఆ  రోజున ఇక్కడ  యమునికి విశేష పూజలు నిర్వహిస్తారు.

ఆలయ ధర్శన సమయం : 

ఉదయం     : 7.00-2.00
సాయంత్రం : 3.00-8.30

వసతి సౌకర్యాలు :

ఈ ఆలయంలోనే దేవస్థానం వారి సత్రాలు కొద్ది దూరంలోనే కలవు.

ఆలయానికి చేరుకునే విధానం 

బస్ మార్గం :

ధర్మపురి బస్ స్టాండ్ దగ్గరలోనే కలదు. జగిత్యాల నుంచి ఈ ఆలయానికి 28 కి. మీ దూరంలో కలదు.

రైలు మార్గం :

ఈ ఆలయానికి దగ్గర గల రైల్వే స్టేషన్ మంచిర్యాల. ఈ స్టేషన్ నుంచి 45కి. మీ దూరంలో కలదు.

విమాన మార్గం :

శంషాబాద్ లోని రాజీవ్ గాంధీ అంతర్జాతీయ విమానాశ్రయం కలదు. ఇక్కడి నుంచి కార్ లేదా బస్ లో ఈ ఆలయానికి చేరుకోవచ్చు.

ఆలయ చిరునామా :

శ్రీ యమధర్మరాజు ఆలయం,
ధర్మపురి గ్రామం
జగిత్యాల జిల్లా
కరీంనగర్.
పిన్ కోడ్ - 505527

Key Words : Sri Yamadharmaraja Temple Information, Dharmapuri,  Jagityala,  Hindu Temples Guide