కొల్హాపూర్ శ్రీ మహాలక్ష్మి దేవాలయం..!! Secrets of Kolhapur Mahalakshmi Temple

కొల్హాపూర్..శ్రీమహాలక్ష్మి దేవాలయం....!!

శ్రీ మహాలక్ష్మీ దేవాలయం మహారాష్ట్రకు చెందిన కొల్హాపూర్ లోని శక్తి పీఠం. ఇది హిందూ పురాణాల ప్రకారం శక్తి పీఠాలలో ఒకటిగా భాసిల్లుతోంది.

పురాణాలలో పేర్కొన్న ప్రకారం ఈ ఆలయం భారతదేశంలో శక్తి నివాసముండే 108 శక్తి పీఠాలలో ఒకటిగా విరాజిల్లుతోంది. మహాలక్ష్మిని ప్రేమగా అంబాబాయి అని కూడా పిలుస్తారు, ప్రతి సంవత్సరం లక్షల మంది భక్తులు ఈ చారిత్రక దేవాలయాన్ని సందర్శించి ఆమె దీవెనలను కోరుకుంటారు.

ఈ మహాలక్ష్మి దేవాలయం కారణంగా, కొల్హాపూర్ భారతదేశంలోని ఒక ప్రసిద్ధ ఆధ్యాత్మిక కేంద్రంగా భావించబడుతుంది. 7వ శతాబ్దంలోని ఈ దేవాలయాన్ని చాళుక్య వంశ రాజైన కరన్దేవ్ తిరిగి చాలాకాలం తరువాత దీని నిర్మాణాన్ని చేపట్టారు.

ఈ పవిత్ర స్థల నిర్మాణ శైలి హేమండ్ పతి ప్రేరణతో చేయబడింది. ఈ ఆలయాన్ని యాదవ వంశీయులు 8 వ శతాబ్దంలో మరింత అందంగా తీర్చిదిద్దారని నమ్మబడింది.

ఇక్కడ ఒక ఆసక్తికరమైన విషయం ఏమిటంటే , సూర్యకిరణాలు ప్రతిరోజూ దేవతా విగ్రహానికి బంగారు సొగసులు అందిస్తూ తాకే విధంగా ఈ ఆలయం నిర్మించబడింది.

నవరాత్రి వంటి పండుగల సమయంలో స్థానికులు , భారతదేశం అంతటా ఉన్న భక్తులు అంబాదేవి దర్శనం కోసం కొల్హాపూర్ కి తండోపతండాలుగా వస్తారు.

ఈ సమయంలో ఈ ప్రాంతం ప్రకాశవంతమైన రంగులతో , సంగీతంతో ప్రతిధ్వనిస్తుంది.

ఒక రాతి పీఠం మీద నాలుగు చేతులతోనూ , 40 కిలోగ్రాముల వజ్రాలతో తయారైన కిరీటంతోనూ మహాలక్ష్మీ కొలువై ఉంటుంది. 3 అడుగుల ఎత్తుగల నల్లరాతిపై మహాలక్ష్మీ ప్రతిమను చెక్కడం జరిగింది.

ఆలయంలోని ఒక గోడపై శ్రీయంత్రం చెక్కబడి ఉంది. దేవత యొక్క వాహనం రాతితో చేయబడిన సింహం ప్రతిమ వెనుక భాగంలో ఉంటుంది. కిరీటంపై విష్ణువు తల్పం అయిన శేషనాగు యొక్క చిత్రం ఉంటుంది.

ఆమె నాలుగు చేతులలో గుర్తింపు కలిగిన నాలుగు వస్తువులు ఉంటాయి. కుడివైపు క్రింది చేతిలో మాలుంగ (సిట్రస్ జాతి ఫలం), ఎడమవైపు కింది చేతిలో పాత్ర ఉంటుంది.

హిందూ పవిత్ర చిత్రాలలో ముఖం ఉత్తరవైపు లేదా తూర్పు వైపు చూసే విధంగా ఉంటుంది. ఈ దేవతా విగ్రహం పశ్చిమవైపు చూసే విధంగా ఉంటుంది. చిన్న తెరిచిఉన్న కిటికీ పశ్చిమవైపు గోడకు ఉంటుంది.

సూర్యాస్తమయం అయినపుడు సూర్యుని కిరణాలు ఈ కిటికీ గుండా ప్రతి సంవత్సరం 21 మార్చి , 21 సెప్టెంబర్ లలో మూడురోజులపాటు విగ్రహంపై పడతాయి.

ఆలయ పరిసరాల్లో నవగ్రహాలు, సూర్యుడు, మహిసాసురమర్ధినీ, విఠల్ - రఖ్‌మయి, శివుడు,  విష్ణువు, తుల్జాభవాని, యితర విగ్రహాలు ఉంటాయి. వీటిలోకొన్ని విగ్రహాలు 11వ శతాబ్దానికి ముందువి కొన్ని కొత్తగా ప్రతిష్ఠించినవి.

Famous Posts:

> కూతురా కోడలా ఎవరు ప్రధానం...? 

> సాంబ్రాణి ధూపం వేయడం వల్ల కలిగే లాభాలు?

> కాకికి అన్నం ఎందుకు పెట్టడం ?

> మీకు ఏదైనా సమస్య ఉందా అయితే వెంటనే ఈ స్వామి వారికి ఉత్తరం రాయండి 

> సంతానం కోరుకునే వారికీ కచ్చితమైన పరిష్కార మార్గం 

> మీరు చేసే పూజకు రెట్టింపు ఫలితం రావాలంటే ఇలా చేయండి.

> భస్మధారణ అంటే ఏమిటి? దాని వల్ల కలిగే లాభాలు ఏంటి?

కొల్హాపూర్ శ్రీమహాలక్ష్మి, mahalaxmi temple, kolhapur, kolhapur mahalaxmi temple, kolhapur mahalaxmi temple nearest railway station, mahalakshmi temple kolhapur address, kolhapur mahalaxmi temple timings, kolhapur temple, mahalaxmi