కార్తీక అమావాస్య రోజు ఇలా చేస్తే మీకు కార్తీకమాస పుణ్య ఫలం లభిస్తుంది - Kartik Amavasya: Importance of the Day

కార్తీక అమావాస్య

డిసెంబర్, 12 వ తేదీ, 2023 మంగళవారము, ఉదయం 06 గం,24 ని (am) నుండి

డిసెంబర్, 13 వ తేదీ, 2023 బుధవారము, తెల్లవారుఝాము 05 గం,02 ని (am) వరకు

కార్తీక అమావాస్యతో కార్తీకమాసం ముగిసిపోతుంది కనుక, ఈ రోజున దైవారాధనలో మరింతసేపు గడపడానికి ప్రయత్నించాలి.

శివాలయంలోనూ, వైష్ణవ ఆలయంలోను దీపాలు వెలిగించాలి. ఈ రోజున ఉపవాస దీక్షను చేపట్టడం వలన మాసమంతా ఉపవాసాన్ని ఆచరించిన ఫలితం కలుగుతుంది.

కార్తీక మాసంలో ఉపవాస దీక్షతో పాటు ఉభయ సంధ్యలలో దీపారాధన చేస్తే శివపార్వతుల అనుగ్రహమూ పొందొచ్చు.

దీపాన్ని పరబ్రహ్మగా భావిస్తూ, పరమశివుడిని ఆవాహన చేసుకుని మానవాళి మేలుకోసం సాధనలు చేసే బిడ్డలను చూసి పార్వతీ పరమేశ్వరులు ఆనంద తాండవం చేస్తుంటారు.

ఈ రోజు వెలిగించిన దీపం మానవాళి శ్రేయస్సుకు ఉపయోగపడింది కాబట్టి ఇదే అగ్నిహోత్రం సాక్షిగా నిలిచి ఈ జన్మలోనే పాప ప్రక్షాళన చేసి ఉత్తమ గతులు పొందేలా పరమశివుడి సన్నిధికి చేరేలా సహకరిస్తుంది. కార్తీక మాసంలో పెట్టే ఒక్క దీపం ముక్తికి మార్గాలన్ని చూపుతుంది.

కార్తీక బహుళ అమావాస్య కూడా పితృదేవతలకు ప్రీతికరమైనదిగా చెప్పబడుతోంది. ఈ రోజున పితృకార్యాలను నిర్వహించడం వలన వాళ్లు సంతోషించి సంతృప్తిని చెందుతారని అంటారు.

ఈ మాసంలో వచ్చే అమావాస్య రోజున పితృకార్యాలను నిర్వహించే వారికి వంశాభివృద్ధి చేకూరుతుందని శాస్త్రాలు చెబుతున్నాయి.

పితృదేవతల ఆశీస్సులను కోరుకునేవాళ్లు ఈ రోజు పితృకార్యాలు నిర్వర్తించాలి. తమ ఇంట దీపాలు వెలిగించి లక్ష్మీదేవిని అత్యంత భక్తి శ్రద్ధలతో పూజించవలసి ఉంటుంది.

అమ్మవారికి ఇష్టమైన ఈ రోజున అంకితభావంతో ఆరాధించడం వలన ఆ తల్లి అనుగ్రహానికి పాత్రులవుతారని స్పష్టం చేయబడుతోంది.

Tags: కార్తీక అమావాస్య, Karthika masam, Amavasya, Karthika Amavasya, Karthika somavaram, Karthikam, lord shiva