Drop Down Menus

అరుణాచల క్షేత్రమందు అన్నదాన మహిమ - Annadana is glorious in the field of Arunachala | Arunachalam Temple Annadanam

అరుణాచల క్షేత్రమందు అన్నదాన మహిమ:

ఒకానొక సమయంలో బ్రహ్మమానస పుత్రుడైన సనక మహర్షి సత్య లోకమునకు వెళ్ళి పితృదేవుడైన బ్రహ్మతో ఇలా అన్నాడు: "ఓ సృష్టికర్తా! పరమదయాకరా! అరుణాచల క్షేత్రములో చేయబడే అన్నదానమునకు గల ఫలితమును దయతో నాకు తెలియచేయండి" అని విన్నవించగా, బ్రహ్మ "కుమారా! త్రిలోకములలో అన్నదానమునకు మించిన దానము లేదు. 'అన్నదో, ప్రాణదో నిత్యమన్నే ప్రాణః ప్రతిష్ఠితః' అని వేదవాక్కు. అందువలన ఆత్మలాభమును పొందగోరేవారు నిత్యము అన్నదానము చేయాలి. అరుణాచల క్షేత్రములో అన్నదానము చేయు మానవులకు సర్వకోరికలు తీరి సార్వభౌమ పదవిని పొందుతారు. అటువంటి అన్నదాన మహిమను వర్ణించుటకు నేను, విష్ణువు కూడా అశక్తులము.

పూర్వము ద్రావిడ దేశములో సింహధ్వజుడు అనే సూర్యవంశరాజు పరిపాలిస్తున్నాడు. అతడు నిత్యము బంగారము, వెండి, ముత్యములు, పగడములు, వజ్ర వైఢూర్యములు, పుష్యరాగం, నీలమణి, రత్నములతో నాగ రూపములను చేయించి బ్రాహ్మణులకు దానం చేస్తున్నాడు. అతడు అన్నదానము తప్ప మిగిలిన అన్ని దానములను చేస్తున్నాడు. కాలక్రమములో అతడు మరణించి ఇంద్రలోకమునకు వెళ్ళాడు. ఇంద్రలోకములో నివసిస్తున్నా అతనికి అమృతమును త్రాగేందుకు అర్హత లేకపోవడంతో దేవతలకంటే కొంత తక్కువ స్థితిలో ఉన్నాడు.

ఒకనాడు దేవర్షి నారదుడు ఇంద్రలోకమునకు వెళ్ళినపుడు అక్కడ సింహధ్వజుని దీనావస్థను చూసి 'ఓ రాజా! నీవు భూమియందు సకల దానములను చేసావు. కానీ, సర్వశ్రేష్టమైన అన్నదానమును చేయలేదు. శివుని ప్రీతికై అన్నదానము తప్పక చేయాలి కదా! కర్మభూమియందు ఏ దానము చేస్తారో, దాని ఫలితమే స్వర్గలోకంలో అనుభవమునకు వచ్చును. అమృతమును కోరువారు తప్పక అన్నదానము చేయాలి' అన్నాడు.

నారదమహర్షి మాటలను విని దీనుడై సింహధ్వజుడు ఇలా అన్నాడు: 'ఓ మహర్షీ! అజ్ఞానము వలన నేను అన్నదానము చేయలేదు. ఇప్పుడు నాకేది దారి?' నారదుడు రాజుతో 'చింతింపవద్దు, తాను భూలోకమునకు వెళ్ళి సింహధ్వజుని పుత్రుడైన చిత్రకేతువుతో అన్నదానము చేయుస్తానని, దాని ఫలితముగా అతనికి అమృతపాన అర్హత కలుగున'ని చెప్పాడు. నారదుడు భూలోకములో చిత్రకేతువు వద్దకు వెళ్ళాడు.

చిత్రకేతువు నారదుని అర్ఘ్యపాద్యాదులతో బహు విధములుగా సత్కరించిన తరువాత నారదుడు అతనితో, 'ఓ రాజా! నీ తండ్రి స్వర్గంలో వుండి కూడా అమృతమును త్రాగేందుకు అర్హత కోల్పోయాడు. భూలోకములో అన్నదానము చేయనివానికి అమృతము లభించదు. కనుక నీవు నీ తండ్రికొరకు అన్నదానము చేసి అతనికి సద్గతి కల్పించుమ'ని చెప్పాడు. నారదుని మాటలతో చిత్రకేతువు అన్నదానము చేయడానికి సంకల్పించి, 'ఓ దేవరీ! నేను నా తండ్రి సద్గతికై అన్నదానమును తప్పక చేస్తాను. కానీ ఏ క్షేత్రములో ఒకే ఒక దినములో చేసిన అన్నదానము కోటిరెట్లు ఎక్కువ ఫలితమిచ్చునో, ఆ క్షేత్రమును గురించి తెలుపండి' అని అడిగాడు.

నారదుడు దివ్యదృష్టితో పరిశీలించి, 'ఓ చిత్రకేతూ! ఇతర ప్రదేశములలో లక్షలాది బ్రాహ్మణులకు అన్నదానము చేసిన ఫలము, కాశీలో ఒక్కరికి అన్నము పెడితే అదే ఫలితము కలుగును. కాశీలో పంచభక్ష్య పరమాన్నములతో, నేయితో భక్తిపూర్వకంగా కోటిమంది బ్రాహ్మణులకు అన్నదానం చేసిన ఫలితం 

అరుణాచలములో ఒక్క బ్రాహ్మణునికి అన్నము పెట్టినందువలన కలుగును.

ద్వాదశినాడు చేసిన అన్నదానము ఒక్క సంవత్సరమంతా అన్నదానము చేసినదానితో సమానము' అని తెలిపాడు.

అరుణాచలంకి వెళ్ళి మనసులో నారదమహర్షికి నమస్కరించి చిత్రకేతువు అరుణగిరికి వెళ్ళి ప్రతిదినము, ప్రత్యేకించి ద్వాదశినాడు అన్నదానము చేస్తున్నాడు. పుత్రుడు ఇలా అన్నదానము చేస్తుండగా, ఇంద్రుడు బంగారు పాత్రతో అమృతమును తీసుకుని వచ్చి సింహధ్వజునికి త్రాగుటకు ఇచ్చాడు. సింహధ్వజుడు ఇంద్ర సన్నిధిలో బహుకాలము తృప్తిగా, ఆనందంగా నివసించి క్రమంగా బ్రహ్మలోకం, ఆ తర్వాత విష్ణులోకం, చివరకు శివలోకమునకు వెళ్ళి అనేక ప్రళయ కాలముల వరకు అక్కడే నివసించాడు. అందుచేత మానవులు అరుణగిరి నగరములో సర్వాభీష్ట సిద్ధి కొరకు; పుత్ర, మిత్ర, కళత్ర సంపదల కొరకు అన్నదానము చేయవలెను.

ఇది అరుణగిరియందు గల అన్నదాన మహిమ" అని బ్రహ్మదేవుడు సనక మహర్షికి ప్రీతిపూర్వకముగా తెలిపిన అరుణాచల మాహాత్మ్యము. బ్రహ్మనుండి అరుణగిరి మాహాత్మ్యమును విన్న సనక మహర్షి ఎంత విన్నా తృప్తి తీరక మరల మరల దానినే వినగోరాడు.

 *ఇది శ్రీశైవ మహాపురాణమందు విద్యాసార సంహితయందలి అరుణాచల మాహాత్మ్యము.

Tags: Arunachalam, Arunachalam Temple, Annadanam, Giri Pradaskhina, Arunachalam Temple Annadanam, Tiruvannamalai, Tamil Nadu

ఇవి కూడా చూడండి
Tirumala info English
తిరుమల సమాచారం
ప్రసిద్ద ఆలయాలు
టూర్ ప్యాకేజీలు 
ఫోన్ నెంబర్లు
స్తోత్రాలు
పంచాంగం
పిల్లల పేర్లు
ఉచిత సంగీత క్లాసులు
రాశి ఫలాలు
పెళ్లి ముహుర్తాలు

Comments

FAQ'S

సెప్టెంబర్ నెల వరకు తిరుమల 300/- టికెట్స్ , సేవ టికెట్స్ , రూమ్స్ , సీనియర్ సిటిజెన్ టికెట్స్ , అంగప్రదక్షిణ టికెట్స్ అన్ని బుక్ అవ్వడం జరిగింది.
తిరుమల శ్రీవారి సేవ కూడా సెప్టెంబర్ నెల వరకు బుక్ అయ్యాయి
అక్టోబర్ నెల టికెట్స్ జులై 18వ తేదీ నుంచి విడుదల చేస్తారు. 

రాజమండ్రి నుంచి కుండలేశ్వరం క్షేత్రానికి రావాలంటే రావులపాలెం మీదుగా అమలాపురం వచ్చి అక్కడ నుంచి ముమ్మడివరం మహిపాల చెరువు కాట్రేనికోన తాసిల్దార్ కార్యాలయం రోడ్డు నుంచి కుండలేశ్వరం చేరుకోవచ్చు

కాకినాడ నుంచి వచ్చే భక్తులు ముమ్మడివరం పోలీస్ స్టేషన్ సెంటర్ నుంచి బాలయోగేశ్వరుల ఆశ్రమం రోడ్డు మీదగా కాట్రేనికోన చేరుకొని అక్కడి నుంచి కుండలేశ్వరం వెళ్ళవచ్చు

కుండలేశ్వరం కాకినాడ నుంచి 57 కిలోమీటర్ల దూరంలో ఉంది కాట్రేనికోన నుంచి ఐదు కిలోమీటర్ల దూరంలో ఉంది

మీకు సులువుగా అర్ధం కావాలంటే .. మురమళ్ళ క్షేత్రానికి 4 కిమీ దూరం లో ఉంది

శ్రీశైలం లో ఉచిత స్పర్శ దర్శనం మంగళవారం నుంచి శుక్రవారం వరకు ప్రతి రోజు 1pm కు ఉంటుంది. ఆన్ లైన్ లో టికెట్ బుక్ చేసుకుంటే టికెట్ ధర ఒక్కరికి 500/- , ప్రతి రోజు 7:30 am , 12:30 pm , 9pm కు ఉంటుంది. నెల రోజుల ముందుగా బుక్ చేసుకోవచ్చు. 
శ్రీశైలం వెబ్ సైట్ : https://www.srisailadevasthanam.org/

తిరుమల ఉచిత దర్శనం కౌంటర్లు :
1) Vishnu Nivasam విష్ణు నివాసం ,
2) Srinivasam శ్రీనివాసం ,
3) Bhudevi Complex భూదేవి కాంప్లెక్స్ ,
శ్రీవారి మెట్టు 
Daily Opening Time 3:30 AM
పూర్తీ సమాచారం కోసం ఇక్కడ క్లిక్ చేయండి

కాశి లో ప్రతి రోజు నాలుగు సార్లు హారతి ఇస్తారు . తెల్లవారు జామున 3 గంటలకు మంగళ హారతి ఇస్తారు టికెట్ ధర 500/- , భోగ హారతి ఉదయం 11:15 కి ఇస్తారు టికెట్ ధర 300/-, రాత్రి 7 గంటలకు సప్తఋషి హారతి ఇస్తారు టికెట్ ధర 300/- ,రాత్రి 9 గంటలకు ఇచ్చే హారతిని శృంగార హారతి అని పిలుస్తారు టికెట్ ధర 300/- . నెల రోజుల ముందుగా బుక్ చేసుకోవచ్చు .
వెబ్సైటు : https://shrikashivishwanath.org/

FOLLOW US ON :

మీరు హిందూ టెంపుల్స్ గైడ్ వాట్స్ యాప్ మరియు టెలిగ్రామ్ గ్రూప్ లో జాయిన్ కాకపోయి ఉంటే ఫోటో పై క్లిక్ చేస్తే జాయిన్ అవుతారు.