Drop Down Menus

వరలక్ష్మి వ్రతంలో తోరం ఏ చేతికి కట్టుకోవాలి? ఎలా కట్టుకోవాలి? How To Tie toram For Varalakshmi Pooja

వరలక్ష్మి వ్రతంలో తోరం ఏ చేతికి  కట్టుకోవాలి?

వరలక్ష్మి వ్రతంలో భాగంగా చేతికి తోరాణ్ని ధరించే సంప్రదాయం గురించి తెలిసిందే ! ఇంతకీ ఈ తోరాన్ని ఎందుకు కట్టుకుంటారు? ఏ చేయికి కట్టుకోవాలి  ?  ఎలా కట్టుకోవాలో తెలుసుకుందామా ?

అమ్మవారి అనుగ్రహం మన వెన్నంటే ఉంటూ, సకల విజయాలూ కలగాలని కట్టుకునేదే తోరం. ఇలా తోరం కట్టుకోవడమే క్రమంగా రాఖీ పండుగకు దారితీసిందని నమ్మేవారూ ఉన్నారు.

వరలక్ష్మి అమ్మవారి పూజ కోసం కనీసం మూడు తోరాలను సిద్ధం చేసుకోవాలి. వీటిలో ఒకటి అమ్మవారికి, ఒకటి మనకు, ఒకటి ముత్తయిదువకు అన్నమాట. ఇలా సిద్ధం చేసుకునే తోరాన్ని నవసూత్రం అని పిలుస్తారు. ఆ పేరుని బట్టే ఇందులో తొమ్మిది దారాలు, తొమ్మిది ముడులు ఉంటాయని అర్థం చేసుకోవచ్చు. నవ అనే పదం కేవలం తొమ్మిది ముడులనే కాదు... నవగ్రహాలను, నవనాడులను, నవగ్రంథులను సూచిస్తుంది. అంటే తొమ్మిది ముడులు ఉన్న ఈ సూత్రంతో ఇహపరమైన విజయాలన్నీ సిద్ధిస్తాయన్నమాట ! 

ఈ నవసూత్రాన్ని తయారుచేసుకునేందుకు దారాన్ని తొమ్మిది పోగులుగా చేయాలి. అలా దగ్గరకు చేరిన తోరానికి పసుపు పూయాలి. ఆ తోరానికి తొమ్మిది చోట్ల కుంకుమ రాసి, అలా రాసిన చోట ఒకో పూవుని ఉంచుతూ తొమ్మిది ముడులు వేయాలి.

ఇలా సిద్ధమైన తోరాలను అమ్మవారి ముందు ఉంచి తోరగ్రంథిపూజ చేస్తారు. గ్రంథి అంటే ముడి అని అర్థం. తోరంలోని ఒకో ముడినీ అక్షతలతో కానీ, పూలతో కానీ పూజించడమే ఈ తోరగ్రంథిపూజ. ఇందుకోసం ఒకో ముడినీ పూజిస్తూ ఒకో మంత్రం చదవాలి.

👉 ఓం కమలాయై నమ: ప్రథమగ్రంథిం పూజయామి

👉 ఓం రమాయై నమ: ద్వితీయ గ్రంథిం పూజయామి

👉 ఓం లోకమాత్రే నమ: తృతీయ గ్రంథిం పూజయామి

👉 ఓం విశ్వజనన్యై నమ: చతుర్థ గ్రంథిం పూజయామి

👉 ఓం మహాల క్ష్మైనమ: పంచమ గ్రంథిం పూజయామి

👉 ఓం క్షీరాబ్దితనయామై నమ: షష్టి గ్రంథిం పూజయామి

👉 ఓం విశ్వసాక్షిణ్యై నమ: సప్తమ గ్రంథిం పూజయామి

👉 ఓం చంద్రోసహోదర్యై నమ: అష్టమ గ్రంథిం పూజయామి

👉 ఓం హరివల్లభాయై నమ: నవమ గ్రంథిం పూజయామి

ఈ తోరగ్రంథి పూజ ముగిసిన తర్వాత...!

‘బధ్నామి దక్షిణేహస్తే నవసూత్రం శుభప్రదం !

పుత్రపౌత్రాధివృద్ధించ మమసౌఖ్యం దేహిమే రమే’!!

అనే శ్లోకాన్ని చదువుతూ ఆ తోరాన్ని ధరించాలి.

పై శ్లోకంలో దక్షిణేహస్తే అని స్పష్టంగా ఉంది. అంటే తోరాన్ని తప్పకుండా కుడిచేతికే ధరించాలన్నమాట.  అంతేకాదు,  చాలామంది ఇలా ధరించిన తోరాన్ని పూజ ముగిసిన వెంటనే తీసేస్తుంటారు. కానీ తోరాన్ని కనీసం ఒకరాత్రి, ఒక పగలన్నా ఉంచుకోవాలని చెబుతారు పెద్దలు. అలా ధరించే తోరం సంతానాన్నీ, సంపదను, సౌభాగ్యాన్నీ ప్రసాదిస్తుందని నమ్ముతారు.

వరలక్ష్మి  దేవి అనుగ్రహం మీ అందరి పైన   ఉండాలని ఆశిస్తూ...!

Famous Posts:

అదృష్టాన్ని తెచ్చి పెట్టే నవబ్రహ్మ ఆలయం


> కోరిన కోర్కెలు వెంటనే తీర్చే కురుడుమలై గణపతి


100 అడుగుల పొడవైన సూర్యభగవానుడి ఆలయం


> మీకొక విషయం తెలుసా ? రావణ_ఆలయం


అందరు తప్పక చదవాల్సిన నవగ్రహాల ప్రదక్షిణ విధానం


ఏలినాటి శని బాధలు తప్పించే సూర్యదేవాలయం ఇదే


గోవుతో గృహప్రవేశం ఎందుకు చేయిస్తారో తెలుసా?


శుక్రవారం ఈ పనులు తప్పకుండ చేయాలి

varalakshmi, lakshmi devi, vara lakshmi vratam, lakshmi devi vratam, varalakshmi vratam telugu, varalakshmi toram, varalakshmi pooja

ఇవి కూడా చూడండి
తిరుమల సమాచారం
ప్రసిద్ద ఆలయాలు
టూర్ ప్యాకేజీలు 
ఫోన్ నెంబర్లు
స్తోత్రాలు
పంచాంగం
పిల్లల పేర్లు
ఉచిత సంగీత క్లాసులు
రాశి ఫలాలు
పెళ్లి ముహుర్తాలు

Comments

FOLLOW US ON :

మీరు హిందూ టెంపుల్స్ గైడ్ వాట్స్ యాప్ మరియు టెలిగ్రామ్ గ్రూప్ లో జాయిన్ కాకపోయి ఉంటే ఫోటో పై క్లిక్ చేస్తే జాయిన్ అవుతారు.