Drop Down Menus

మొండి వ్యాధులను నయం చేసే 'యోగిని ఏకాదశి'! పూజా విధానం, వ్రత నియమాలు, ప్రాముఖ్యత తెలుసుకోండి | Yogini Ekadashi 2024

హిందూ పంచాంగం ప్రకారం ప్రతి ఏడాది 24 ఏకాదశిలు వస్తాయి. ప్రతి మాసంలో శుక్ల పక్షంలో, కృష్ణపక్షంలో కూడా ఏకాదశి తిథి వస్తుంది. ఒక్కో ఏకాదశికి ఒక్కో ప్రాముఖ్యత ఉంది. జ్యేష్ఠ బహుళ ఏకాదశిని యోగిని ఏకాదశిగా జరుపుకుంటాం. జులై 2వ తేదీ యోగిని ఏకాదశి సందర్భంగా ఈ రోజు ఎలాంటి నియమాలతో వ్రతాన్ని చేయడం వల్ల శుభ ప్రయోజనాలు కలుగుతాయో తెలుసుకుందాం.

యోగిని ఏకాదశి పూజా విధానం

ఉదయాన్నే నిద్రలేచి స్నానం చేయాలి. తర్వాత ఇంట్లోనూ పూజగదిని శుభ్రం చేయండి. ఒక పీట వేసి దాని మీద వస్త్రం పరిచి శ్రీ హరి విష్ణువు విగ్రహాన్ని ప్రతిష్టించాలి. అనంతరం జలాభిషేకం చేయండి. పంచామృతంతో పాటు గంగాజలంతో స్వామికి అభిషేకం చేసుకోవాలి.

దేవాలయంలో ఇలా

ఇంట్లో పూజ పూర్తి చేసుకున్న తర్వాత సమీపంలోని వేంకటేశ్వర స్వామి ఆలయం కానీ, విష్ణుమూర్తి ఆలయానికి కానీ వెళ్లి 11 ప్రదక్షిణలు చేసి నమస్కరించుకోవాలి. ఈ రోజు పేదలకు అన్నదానం చేస్తే నారాయణుడు సంతృప్తి చెందుతాడని శాస్త్రవచనం.

సాయంత్రం పూజ

సాయంత్రం స్నానం చేసి ఇంట్లో దేవుని ముందు దీపారాధన చేసి శ్రీ విష్ణు సహస్రనామ పారాయణ చేసుకుంటే ఎంతో ఫలప్రదం. ఉండగలిగిన వారు ఈ రోజు జాగారం చేస్తే కూడా పుణ్యం.

మంత్రం- ఓం నమో భగవతే వాసుదేవాయ, ఓం విష్ణవే నమః:

పరిహారం- యోగిని ఏకాదశి రోజున శ్రీ విష్ణు చాలీసా పఠించడం, అరటి చెట్టును పూజించడం ద్వారా వ్యక్తి అన్ని కోరికలు నెరవేరుతాయి.

యోగిని ఏకాదశి వ్రత కథ

పాండవ అగ్రజుడు ధర్మరాజు ఓసారి శ్రీకృషుని యోగిని ఏకాదశి కథ చెప్పమని అడిగాడట! అప్పుడు శ్రీకృష్ణుడు ధర్మరాజుకు యోగిని ఏకాదశి కథను ఇలా చెప్పాడు.

అలకాపురిని పాలించే కుబేరుడి వద్ద హేమమాలి అనే ఉద్యానవన సిబ్బంది వుండేవాడు. ప్రతిరోజు మానస సరోవరానికి వెళ్లి అక్కడ పుష్పాలను సేకరించి కుబేరునికి ఇచ్చేవాడు. కుబేరుడు ఆ పుష్పాలతో మహాశివున్ని పూజించేవాడు. ఒక రోజు పుష్పాలను తీసుకువస్తున్న హేమమాలి తన ఇంటికి వెళుతాడు. సమయం గడుస్తున్నా అతను రాకపోవడంతో పూజకు ఆలస్యం అవుతోందని కుబేరుడు హేమమాలి ఎక్కడ వున్నాడో తీసుకురావాలని సిబ్బందిని ఆదేశించాడు. హేమమాలికి ఈ విషయం తెలియడంతో వెంటనే కుబేరుని వద్దకు చేరుకొని క్షమాపణలు చెబుతాడు. అయితే ఆగ్రహంతో వున్న కుబేరుడు అతడు కుష్టువ్యాధితో బాధపడాలని శాపం పెడుతాడు. వెంటనే హేమమాలి భూలోకంలో పడిపోతాడు. భయంకరమైన వ్యాధితో అడవుల్లో తిరుగతూ హిమాలయాల్లోని మార్కండేయ మహర్షి ఆశ్రమానికి చేరుకుంటాడు. విధి నిర్వహణలో అలసత్వాన్ని ప్రదర్శించినందుకు ఎలా శాపానికి గురైంది వివరిస్తాడు. తనకు శాపవిముక్తి కలిగించాలని వేడుకుంటాడు. దీంతో మహర్షి కృష్ణ పక్షంలో వచ్చే ఏకాదశి రోజున దీక్ష వుండాలని సూచించాడు. హేమమాలి భక్తితో, శ్రద్ధగా ఏకాదశి వ్రతాన్ని ఆచరించడంతో అతని శాపం తొలగి పూర్వరూపాన్ని పొందుతాడు. అందుకనే ఈ ఏకాదశి నాడు ఉపవాసం ఆచరించడం ద్వారా మనకు వున్న అనేక పాపాలను తొలగించుకోవచ్చని కృష్ణభగవాన్‌ ఉపదేశంలో పేర్కొంటాడు.

చేసుకున్నవారికి చేసుకున్నంత" అనే మాట ఆయా సందర్భాల్లో వినిపిస్తూ వుంటుంది. అంటే ఎవరు చేసుకున్న పాపపుణ్యాలను బట్టి వాళ్లు తగిన ఫలితాలను అనుభవిస్తారని చెప్పబడుతోంది. ఈ నేపథ్యంలో కొంతమంది అనారోగ్యాల నుంచి బయటపడలేక పోతుంటారు. మరికొందరు అప్పుల నుంచి, అపజయాల నుంచి బయట పడలేక పోతుంటారు. తాము నీతి నియమాలతో కూడిన జీవితాన్ని గడుపుతున్నప్పటికీ, భగవంతుడు ఎందుకు ఇన్ని విధాలుగా బాధలు పెడుతున్నాడని వాళ్లు అనుకుంటూ వుంటారు.

వాళ్లందరూ కూడా ప్రస్తుతం తాము ఎదుర్కుంటోన్న పరిస్థితులు, గత జన్మలలో చేసిన పాపాలకు ఫలితాలుగా భావించవలసి వుంటుంది. ఆ జన్మలలో చేసిన పాపాలు అందువలన బాధకి గురైన వాళ్లు పెట్టిన శాపాల కారణంగానే తాము ఇబ్బందులు పడుతున్నామని గ్రహించాలి. మరి జన్మ, జన్మలుగా వెంటాడుతోన్న ఈ పాపాల బారి నుంచి బయటపడే మార్గమే లేదా? అని చాలామంది ఆవేదనకి లోనవుతుంటారు. అలాంటి వారికి ఆ భగవంతుడు ఇచ్చిన వరంగా "యోగిని ఏకాదశి" చెప్పబడుతోంది. "జ్యేష్ఠ బహుళ ఏకాదశి" ని యోగిని ఏకాదశిగా చెబుతుంటారు. ఈ రోజున శ్రీమన్నారాయణుడిని పూజిస్తూ ఏకాదశి వ్రతాన్ని ఆచరించడం వలన సమస్త పాపాలు శాపాలు నశించి పుణ్యఫలాలు కలుగుతాయని అంటారు.

యోగిని ఏకాదశి రోజు చేయకూడని పనులు 

నలుపు రంగు దుస్తులు ధరించకూడదు. వాటికి బదులుగా పసుపు రంగు వస్త్రాలు ధరించడం చాలా శుభదాయకం. తులసి సమర్పించకుండా విష్ణు పూజ పూర్తి కాదు. అందుకే యోగిని ఏకాదశి రోజు తులసి తప్పనిసరిగా సమర్పిస్తారు. కానీ ఏకాదశి రోజు తులసి ఆకులు తెంప కూడదు. అలాగే అన్నం తినకూడదు. ఇలా చేస్తే అపరాధ భావం కలుగుతుందని నమ్ముతారు.

పెద్దవారికి ఎవరిని నొప్పించకూడదు. ఎవరినీ కించపరచొద్దు. యోగిని ఏకాదశి రోజు ఆల్కహాల్ సేవించరాదు. తామసిక ఆహారానికి దూరంగా ఉండాలి.

Tags: యోగిని ఏకాదశి, Yogini Ekadashi, Yogini Ekadashi 2024, Yogini ekadashi 2024 importance, Yogini ekadashi 2024 telugu, Yogini Ekadashi Vrat Katha, Yogini ekadashi 2024 time, Yogini ekadashi 2024 english, Yogini Ekadashi story, Yogini Ekadashi timings, Yogini Ekadashi

ఇవి కూడా చూడండి
Tirumala info English
తిరుమల సమాచారం
ప్రసిద్ద ఆలయాలు
టూర్ ప్యాకేజీలు 
ఫోన్ నెంబర్లు
స్తోత్రాలు
పంచాంగం
పిల్లల పేర్లు
ఉచిత సంగీత క్లాసులు
రాశి ఫలాలు
పెళ్లి ముహుర్తాలు

Comments

FAQ'S

సెప్టెంబర్ నెల వరకు తిరుమల 300/- టికెట్స్ , సేవ టికెట్స్ , రూమ్స్ , సీనియర్ సిటిజెన్ టికెట్స్ , అంగప్రదక్షిణ టికెట్స్ అన్ని బుక్ అవ్వడం జరిగింది.
తిరుమల శ్రీవారి సేవ కూడా సెప్టెంబర్ నెల వరకు బుక్ అయ్యాయి
అక్టోబర్ నెల టికెట్స్ జులై 18వ తేదీ నుంచి విడుదల చేస్తారు. 

రాజమండ్రి నుంచి కుండలేశ్వరం క్షేత్రానికి రావాలంటే రావులపాలెం మీదుగా అమలాపురం వచ్చి అక్కడ నుంచి ముమ్మడివరం మహిపాల చెరువు కాట్రేనికోన తాసిల్దార్ కార్యాలయం రోడ్డు నుంచి కుండలేశ్వరం చేరుకోవచ్చు

కాకినాడ నుంచి వచ్చే భక్తులు ముమ్మడివరం పోలీస్ స్టేషన్ సెంటర్ నుంచి బాలయోగేశ్వరుల ఆశ్రమం రోడ్డు మీదగా కాట్రేనికోన చేరుకొని అక్కడి నుంచి కుండలేశ్వరం వెళ్ళవచ్చు

కుండలేశ్వరం కాకినాడ నుంచి 57 కిలోమీటర్ల దూరంలో ఉంది కాట్రేనికోన నుంచి ఐదు కిలోమీటర్ల దూరంలో ఉంది

మీకు సులువుగా అర్ధం కావాలంటే .. మురమళ్ళ క్షేత్రానికి 4 కిమీ దూరం లో ఉంది

శ్రీశైలం లో ఉచిత స్పర్శ దర్శనం మంగళవారం నుంచి శుక్రవారం వరకు ప్రతి రోజు 1pm కు ఉంటుంది. ఆన్ లైన్ లో టికెట్ బుక్ చేసుకుంటే టికెట్ ధర ఒక్కరికి 500/- , ప్రతి రోజు 7:30 am , 12:30 pm , 9pm కు ఉంటుంది. నెల రోజుల ముందుగా బుక్ చేసుకోవచ్చు. 
శ్రీశైలం వెబ్ సైట్ : https://www.srisailadevasthanam.org/

తిరుమల ఉచిత దర్శనం కౌంటర్లు :
1) Vishnu Nivasam విష్ణు నివాసం ,
2) Srinivasam శ్రీనివాసం ,
3) Bhudevi Complex భూదేవి కాంప్లెక్స్ ,
శ్రీవారి మెట్టు 
Daily Opening Time 3:30 AM
పూర్తీ సమాచారం కోసం ఇక్కడ క్లిక్ చేయండి

కాశి లో ప్రతి రోజు నాలుగు సార్లు హారతి ఇస్తారు . తెల్లవారు జామున 3 గంటలకు మంగళ హారతి ఇస్తారు టికెట్ ధర 500/- , భోగ హారతి ఉదయం 11:15 కి ఇస్తారు టికెట్ ధర 300/-, రాత్రి 7 గంటలకు సప్తఋషి హారతి ఇస్తారు టికెట్ ధర 300/- ,రాత్రి 9 గంటలకు ఇచ్చే హారతిని శృంగార హారతి అని పిలుస్తారు టికెట్ ధర 300/- . నెల రోజుల ముందుగా బుక్ చేసుకోవచ్చు .
వెబ్సైటు : https://shrikashivishwanath.org/

FOLLOW US ON :

మీరు హిందూ టెంపుల్స్ గైడ్ వాట్స్ యాప్ మరియు టెలిగ్రామ్ గ్రూప్ లో జాయిన్ కాకపోయి ఉంటే ఫోటో పై క్లిక్ చేస్తే జాయిన్ అవుతారు.