ఈ రాశి అమ్మాయిని పెళ్లి చేసుకుంటే జీవితమంతా సంతోషమే….
హిందు సంప్రదాయంలో వివాహ ప్రక్రియకు, వైవాహిక జీవితానికి ఎనలేని ప్రాధాన్యం ఉంది. ఇరవై నుంచి పాతికేళ్ల పాటు ఒకరికొకరు ఏమాత్రం సంబంధం లేకుండా పెరిగిన ఇరువురు వ్యక్తులు పెళ్లి పేరిట ఒక్కటి కావడమే కాదు.. తుది శ్వాస వీడేవరకు తోడూ నీడగా ఉండే గొప్ప అనుబంధం. అందుకే పెళ్లి గురించి వర్ణించేప్పుడు మూడే ముళ్లు, ఏడు అడుగులు.. నిండు నూరేళ్లు అని అభివర్ణించారు మన పెద్దలు.
రెండు జీవితాలను ఒక్కటిగా ముడిపెట్టే ఈ కార్యానికి సంబంధించి జాతకాలు చూడడం కద్దు. వారి ప్రవర్తన, నడవడికతో పాటుగా ఇరువురి జాతకాలు కుదిరితేనే వివాహం చేసేవారు అప్పట్లో.. దైవానుగ్రహం, గ్రహాల అనుకూలత, తిథి నక్షత్రాల మహత్యం వెరసి జీవితం హాయిగా ఉంటుందని ఈ సాంప్రదాయపు నమ్మిక. జాతకాలతో సంబంధం లేకుండా పెళ్లి చేసుకున్నవారు సరిగ్గా కాపురాలు చేయడంలేదా? ఫారిన్ లో ఇటువంటి పనికిమాలిన ఆచారాలేవీ లేకుండానే హాయిగా జీవించడం లేదా? అనేది ఇక్కడ అప్రస్తుతం. ఎందుకంటే ఇది హిందూ వివాహ సాంప్రదాయపు విలువలు, విశేషణాన్ని చెప్పే విషయం మాత్రమే. ఇక పెళ్లి విషయానికి వస్తే..
వధూవరుల జాతకాలు చూసి జన్మరాశులకు సరిపోయిన వారిని ఎంపిక చేసి వివాహం జరిపిస్తారు. కొందరు హిందూ పండితులు చెప్పిన దానిని బట్టి కొన్ని జన్మ రాశులున్న మహిళలను పెళ్లి చేసుకుంటే జీవితం సంతోషంగా ఉంటుందని తెలిపారు. కర్కాటక, సింహ, మేష రాశి వారిని పెళ్లి చేసుకుంటే వారి జీవితంలో ఒడిదుడుకుల్లేకుండా సుఖ సంతోషాలతో ఉంటుందని సూచించారు. ఆయా రాశుల వారిని చేసుకున్న వారికి కలిగే అధనపు ప్రయోజనాలను పండితులు ఇలా వివరిస్తున్నారు.
కర్కాటక రాశి మహిళలు భర్తకు అనుకూలంగా ఉంటారు. వివాహ బంధాన్ని బలోపేతం చేయడానికే ప్రయత్నిస్తారు. తన కొన ఊపిరి వరకు జీవిత భాగస్వామిని అట్టిపెట్టుకుని ఉంటారు. ఇంకా ఈ మహిళల్లో అత్యధిక సంప్రదాయ లక్షణాలు ఉంటాయని, ఈ రాశి మహిళలు సున్నితమైన వారై, ఇతరులపై ఆధారపడి జీవనం సాగిస్తారు.
సింహరాశి మహిళలు చాలా శక్తిమంతులు. మంచి రూపురేఖలు, అందం, ఆకర్షణతో పదుగురి చూపునీ తనవైపు తిప్పుకునేలా ఉంటారట. స్వతంత్రంగా వ్యవహరిస్తూ ఎలాంటి పరిస్థితుల్లో అయినా ఎదుర్కొనే సత్తా ఉంటుంది. చిన్నతనంలో వీళ్లు పితృస్వామ్య వాతావరణంలో పెరిగి ఉంటారు. సొంత నిర్ణయాలు తీసుకుంటూ సమస్యలను పరిష్కరిస్తారు.
మేష రాశి మహిళలు సమర్థుడైన భర్త తన పక్కన ఉండాలని కోరుకుంటారు. ప్రతి పనిలోనూ ఆమె మార్క్ కనిపిస్తుంది. తన భర్త, కుటుంబ పట్ల బాధ్యతగా వ్యవహరించడమే కాకుండా అందరూ కలిసుండాలని కోరుకుంారు. తన బాధ్యతల నుంచి ఎప్పుడూ పక్కకు తప్పుకునే ఆలోచన చేయదు. వీళ్ళు భర్త అడుగు జాడల్లోనే నడుస్తారు.
Famous Posts:
> కొత్త కోడలు రాగానే సత్యనారాయణ వ్రతం ఎందుకు చేయిస్తారు?
> మంగళ, శుక్రవారాల్లో ఎవరికీ డబ్బు ఇవ్వకూడదా?
> భర్త భార్య మాట వినాలంటే ఏమి చేయాలి ?
> వాస్తు ప్రకారం ఈ మార్పులు చేసుకుంటే సంపదలు పెరుగుతాయి.
> శివ గుణాలు లోకానికి సందేశాలు
> భార్యలు భర్తల కాళ్లను వత్తాలట ఎందుకో మీకు తెలుసా ?
> కూతురా కోడలా ఎవరు ప్రధానం...?
marry, zodiac girl, life, happy, girl, rashi, రాశి, అమ్మాయి, పెళ్లి